Toyota 2025: Toyota నుంచి మార్కెట్లోకి 3 SUV కార్లు.. అదిపోయే ఫీచర్స్ ఇవే!
Toyota New Electric Suvs 2025: భారతీయ కస్టమర్లలో టయోటా కార్లకు మంచి డిమాండ్ ఉంది. టయోటా ఫార్చ్యూనర్, టయోటా ఇన్నోవా హైక్రాస్, టయోటా ఇన్నోవా క్రిస్టా వంటి SUVలు కంపెనీకి చెందిన అత్యంత ప్రజాదరణ పొందిన కార్లలో ఇవి కొన్ని. ఈ కంపెనీకి సంబంధించిన మార్చి 2024లో కార్ల విక్రయాల గురించి మాట్లాడినట్లయితే, టయోటా ఇన్నోవా హైక్రాస్ విక్రయాల్లో అగ్రస్థానంలో నిలిచింది. దీంతో పాటు టయోటా ఇన్నోవా హైక్రాస్లో 6,224 యూనిట్ల ఎస్యూవీలను కంపెనీ విక్రయించింది. అయితే దీనిని దృష్టిలో పెట్టుకుని కంపెనీ రాబోయే 18 నెలల్లో భారత మార్కెట్లో 3 కొత్త SUVలను విడుదల చేయడానికి ప్రణాళికలు సిద్ధం చేస్తోంది. రాబోయే SUVలో ఎలక్ట్రిక్ కార్లు కూడా ఉన్నాయి. ఈ రాబోయే 3 టయోటా SUVల గురించి వివరంగా తెలుసుకుందాం.
టయోటా ఎలక్ట్రిక్ SUV
టయోటా (Toyota) తన మొదటి ఎలక్ట్రిక్ SUVని వచ్చే ఏడాది జూన్ నాటికి అంటే 2025 నాటికి విడుదల చేయడానికి కంపెనీ సన్నాహాలు చేస్తోంది. ఇది టయోటా ఎలక్ట్రిక్ SUV.. అచ్చం మారుతి నుంచి లాంచ్ కాబోయే ఎలక్ట్రిక్ కారు eVXని పోలి ఉంటుంది. టయోటా SUVలో, కస్టమర్లకు అనేక ఆధునిక ఫీచర్లతో పాటు ADAS టెక్నాలజీని అందించవచ్చు.
టయోటా ఫార్చ్యూనర్ మైల్డ్ హైబ్రిడ్
టయోటా ఫార్చ్యూనర్ భారతీయ కస్టమర్లలో అత్యంత ప్రజాదరణ పొందిన SUVలలో ఇది ఒకటి. టయోటా ఫార్చ్యూనర్ ఫోర్డ్ ఎండీవర్కు పోటీగా నిలించి మంచి పేరు సంపాదించుకుంది. ఇప్పుడు కంపెనీ తన పాపులర్ టొయోటా ఫార్చ్యూనర్ మైల్డ్ హైబ్రిడ్ వెర్షన్ను విడుదల చేయడానికి సన్నాహాలు చేస్తోంది. మైల్డ్ హైబ్రిడ్ ఇంజన్ లభ్యత కారణంగా టయోటా ఫార్చ్యూనర్ కస్టమర్లు మెరుగైన మైలేజీని పొందే అవకాశం ఉంది.
7-సీటర్ టయోటా హైరిడర్
టయోటా జూన్ 2025 నాటికి తన ప్రసిద్ధ అర్బన్ క్రూయిజర్ హైరైడర్ 7-సీటర్ వేరియంట్ను విడుదల చేయడానికి సిద్ధమవుతోంది. రాబోయే టయోటా అర్బన్ క్రూయిజర్ 7-సీటర్ భారతదేశంలోని టాటా సఫారీ, హ్యుందాయ్ అల్కాజర్లకు పోటీగా ఉంటుంది. అయితే, కారులో ఉన్న 1.5-లీటర్ మైల్డ్ హైబ్రిడ్ పెట్రోల్, 1.5-లీటర్ బలమైన హైబ్రిడ్ పెట్రోల్ ఇంజన్లు పవర్ట్రెయిన్లతో అందుబాటులోకి రావచ్చు.
